ബെംഗളൂരു: 300 കിലോമീറ്റർ ദൈർഘ്യമുള്ള ബെലഗാവി-ഹുംഗുണ്ട്-റായ്ച്ചൂർ ദേശീയ പാതയുടെ നിർമ്മാണത്തിന് കേന്ദ്ര റോഡ് ഗതാഗത മന്ത്രാലയം അനുമതി നൽകിയതായും പ്രവൃത്തികൾ ഉടൻ ആരംഭിക്കുമെന്നും കേന്ദ്ര പാർലമെന്ററി കാര്യ മന്ത്രി പ്രഹ്ലാദ് ജോഷി പറഞ്ഞു.
നേരത്തെ 320 കിലോമീറ്റർ റോഡ് നിർമിക്കാൻ കേന്ദ്രമന്ത്രി നിതിൻ ഗഡ്കരിക്ക് നിർദേശം നൽകിയിരുന്നു. ഇപ്പോൾ പ്രവൃത്തിക്ക് അംഗീകാരം ലഭിച്ചു. ഭൂമി ഏറ്റെടുക്കൽ നടപടികൾ പുരോഗമിക്കുകയാണെന്നും ഈ ഭാഗത്തെ ജനങ്ങളുടെ ദീർഘകാലമായുള്ള ആവശ്യം ഉടൻ പൂർത്തീകരിക്കുമെന്നും ജോഷി ട്വീറ്റ് ചെയ്തു.
ಬೆಳಗಾವಿ – ಹುನಗುಂದ – ರಾಯಚೂರು ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣಕ್ಕೆ ಕೇಂದ್ರ ಸರಕಾರ ಅನುಮೋದನೆ ನೀಡಿದ್ದು, ಶೀಘ್ರವೇ ಕಾಮಗಾರಿ ಆರಂಭವಾಗಲಿದೆ. 320 ಕಿಮೀ ರಸ್ತೆ ನಿರ್ಮಾಣಕ್ಕಾಗಿ ಈ ಹಿಂದೆ ಕೇಂದ್ರ ಸಚಿವರಾದ ಶ್ರೀ @nitin_gadkari ಅವರಿಗೆ ಪ್ರಸ್ತಾವನೆ ಸಲ್ಲಿಸಲಾಗಿದ್ದು, ಇದೀಗ ಕಾಮಗಾರಿಗೆ ಅನುಮೋದನೆ ದೊರಕಿದೆ. pic.twitter.com/kFrVG5oGsw
— Pralhad Joshi (Modi Ka Parivar) (@JoshiPralhad) November 30, 2022
ബെലഗാവിയെയും റായ്ച്ചൂരിനെയും ബന്ധിപ്പിക്കുന്ന ദേശീയപാത നിർമിക്കണമെന്നത് ഈ പ്രദേശത്തെ ജനങ്ങളുടെ ദീർഘകാലമായുള്ള ആവശ്യമാണ്. ജോഷിയും കർണാടക മുഖ്യമന്ത്രി ബസവരാജ് ബൊമ്മൈയും ബുധനാഴ്ച ഗഡ്കരിയെ കാണുകയും കർണാടകയിലെ തീർപ്പാക്കാത്ത റോഡ് പദ്ധതികൾ ചർച്ച ചെയ്യുകയും ചെയ്തു.
ഹുബ്ബള്ളി-ധാർവാഡ് ബൈപാസിന്റെ ടെൻഡർ ഇതിനകം പൂർത്തിയായതിനാൽ വീതി കൂട്ടുന്ന ജോലികൾ ആരംഭിക്കാൻ യോഗത്തിൽ ഗഡ്കരി നാഷണൽ ഹൈവേ അതോറിറ്റി ഓഫ് ഇന്ത്യ (എൻഎച്ച്എഐ) ഉദ്യോഗസ്ഥർക്ക് നിർദ്ദേശം നൽകിയതായി ജോഷി അവകാശപ്പെട്ടു.
ഹുബ്ബള്ളി-ധാർവാഡ് ഇരട്ട നഗരങ്ങൾക്ക് സമീപം നാലുവരി, ആറ് വരി ബൈപാസ് റോഡുകളിൽ അടിപ്പാത നിർമിക്കാനും ഗഡ്കരി സമ്മതിച്ചതായി ജോഷി പറഞ്ഞു.
